Tangazo

 

FAIDA SABA ZA KUMSHUKURU MUNGU.

FAIDA YA KWANZA

1. NI ISHARA YA ROHO MTAKATIFU KWAKO KUKUONYESHA KUWA UNATEMBEA KATIKA MAPENZI YA MUNGU.*

Hii tunaipata kwa kusoma 1 Thesolanike 5:19

“shukuruni kwa kila jambo; maana hayo ni mapenzi ya Mungu kwenu katika Kristo Yesu Msimzimishe Roho;”_

Maana yake Roho Mtakatifu yuko kazini kwa sababu unaweza kupita mazingira ambayo kwa jinsi ya kawaida unaweza kushindwa kushukuru lakini Roho Mtakatifu anapokaa ndani yako anatamani kushukuru ili kila mahali unapopita utembee ndani ya mapenzi ya Mungu kwa kuwa na maisha yaliyojaa shukrani mbele za Bwana.

Kama mahali unapopita  kwa mazingira ya nje yanaweza yakakataa kuwa hili si la Mungu kwa sababu unapita pagumu. Lakini Mungu anakuambia kuwa hili ni jambo sahihi kwako kulipitia. Ukiona hali ya namna hiyo ndani ya moyo wako Roho Mtakatifu  atakupa hali ya kuwa na moyo wa shukrani.

Mahali unapopita saa nyingine hapafananii na kushukuru lakini ni mapenzi ya Mungu upite hapo. Ndio maana kila wakati kama unajua umeokoka (maana yake Roho Mtakatifu anakuongoza kutoka ndani) kwa sababu ukiokoka agano jipya linaanzia ndani (kutahiriwa moyo wako) ndipo linaenda nje.

Agano la kale lilikuwa linaanzia nje kwa kutahiriwa nje ndipo mtu anatafuta msaada wa kubadilika ndani. Ila agano jipya unatahiriwa ndani na unazaliwa kiumbe kipya kwa Mungu Baba. Roho Mtakatifu anakuja na sheria za Mungu kukaa ndani yako ili utembee katika Bwana. Kwa sababu hiyo Roho Mtakatifu anapoongoza watu, atakuongoza kutoka ndani kwanza bila Yeye kutazama kwanza mazingira ya nje kwa kile Mungu anachokueleza.

Mazingira ya nje yanaweza kukuambia hapa Mungu hayupo (hutembei kwenye mapenzi ya Mungu) lakini Roho Mtakatifu alieko ndani yako atakupa moyo wa shukrani. Ukisikia ndani yako kuwa na moyo wa kushukuru hata kama mazingira ya nje hayafananii kushukuru, pokea na shirikiana na Roho Mtakatifu na wala usimzimishe anapokuja kushukuru kwa Mungu ndani yako.

Hali ya kushukuru ni ishara kwako kuwa ni mapenzi ya Mungu yako pamoja nawe hata kama akili yako inakataa kwa sababu mapenzi ya Mungu si mapenzi yako wala si lazima uyafurahie kwa jinsi ya kibinadamu kwa sababu _“mawazo yake si kama yetu, njia zake si njia zetu”_ Kwa hiyo usijaribu kumfananisha  Mungu ni kama sisi.

 

2. INAONGEZA UNYENYEKEVU ULIOAMBATANA AU UNAOAMBATANA NA HOFU YA MUNGU.*

Hii tunaipata tunaposoma. Waefeso 5:20-21

“na kumshukuru Mungu Baba sikuzote kwa mambo yote, katika jina lake Bwana wetu Yesu Kristo; hali mnanyenyekeana katika kicho cha Kristo.”_

KICHO ni HOFU au UCHAJI. Unapomshukuru Mungu kwa mambo yote kuna kitu kinachoambatana na hali ya shukrani kwa Mungu kuachilia moyo wa unyenyekevu ndani yako. Kwa sababu  kuna mapito mbali mbali ambayo watu wanapitia na kwa jinsi ya kibinadamu mtu mwingine anaweza kujikweza au akajishusha sana kutokana na  hali anayoipitia. Lakini ukijua ni Bwana anakuongoza kwa kila hatua, utajua si wewe bali Bwana ndani yako na hutachukua na hali ya kuchukua utukufu wake. Bali utajua ni Mungu aliyekusaidia  mpaka hapo ulipofika.

Biblia inasema  katika .Yohana 15:5b

“maana pasipo mimi ninyi hamwezi kufanya neno lo lote.”

Kwa kawaida tawi haliwezi kuzaa peke yake, kuna kitu kimeunganishwa nalo (liwe limeungana na mzabibu). Unapotembea kwenye mapenzi ya Mungu, haijalishi mazingira ya nje yamekaaje, utakuwa unajifunza na kumshukuru Mungu katika yote. Mambo mengine inakuwa vigumu sana kumshukuru Mungu kibinadamu lakini Biblia inatuambia  katika

1 Wathesalonike 5:18

“shukuruni kwa kila jambo; maana hayo ni mapenzi ya Mungu kwenu katika Kristo Yesu.”

Unapoendelea kushukuru unyenyekevu unashuka. Kama ni mhubiri au mwalimu kama mimi Mwakasege, jaribu uone; ukitoka kuhubiri mshukuru Mungu kwamba *“Mungu ninakushukuru kwa kunipa nafasi ya kusimama, kunipa maneno ya kusema, nisamehe mahali nilipofikia na wewe hukutaka…”* Jifunze kumshukuru Mungu uwe na uhakika kuwa unyenyekevu utaendelea kushuka juu yako kwani haitatokea siku ukijivunia ufunuo uliopata wala kujivunia watu waliopona kwa sababu utajua si wewe hakuna hata siku utafurahia watu wanayokupigia makofi kwa sababu utajua si ya kwako bali ni ya Bwana, utukufu ni wake Bwana kwa alichofanta ulipotumika.

Kila wakati ule unyenyekevu unaposhuka, unashuka na hofu ya Mungu (hali ya uchaji). Hivi vitu vinaambatana Pamoja (Unyenyekevu na Moyo wa shukrani). Watu wengi hawajajua kwa sababu wanashukuru kwenye vitu vikubwa vikubwa tu. Mshukuru Mungu kwa vitu vyote hata kama ni vidogo sana wewe shukuru tu. Pia shukuru kwa mambo ambayo akili yako inachukia au  inakataa kuwa hili halistahili shukrani. Unaposhukuru namna hiyo amani ya Mungu ipitayo fahamu zote ghafla inakufunika.

Maana unapoendelea kushukuru ndani yako kuna kitu Mungu anateremsha unyenyekevu ndani yako. Huwezi kumshukuru Mungu na ukawa na kiburi. Shukrani zinaondoa kuburi kabisa.

Haijalishi umesoma kiasi gani ukienda ofisini na ukasema Mungu nakushukuru kwa sababu ya kazi hii. Hakuna hata siku moja utajivunia degree yako kazin balii utajua ni Mungu alikupa ili kurahisha utendaji

3. MUNGU ANAKUPA CHA ZAIDI KULIKO UNACHOSHUKURU KWA KUKIPOKEA*.

Luka 17:11-19

“11 Ikawa walipokuwa njiani kwenda Yerusalemu, alikuwa akipita katikati ya Samaria na Galilaya. 12 Na alipoingia katika kijiji kimoja, alikutana na watu kumi wenye ukoma; wakasimama mbali, 13 wakapaza sauti wakisema, Ee Yesu, Bwana mkubwa, uturehemu! 14 Alipowaona aliwaambia, Enendeni, mkajionyeshe kwa makuhani. Ikawa walipokuwa wakienda walitakasika. 15 Na mmoja wao alipoona kwamba amepona, alirudi, huku akimtukuza Mungu kwa sauti kuu; 16 akaanguka kifudifudi miguuni pake, akamshukuru; naye alikuwa Msamaria. 17 Yesu akajibu, akanena, Hawakutakaswa wote kumi? Wale kenda wa wapi? 18 Je! Hawakuonekana waliorudi kumpa Mungu utukufu ila mgeni huyu? 19 Akamwambia, Inuka, enenda zako, imani yako imekuokoa.”_

Hili neno *imani yako imekuokoa* ni tofauti na jinsi ambavyo tunafikiri juu ya wokovu. Kabla Yesu hajafa na kufufuka watu walikuwa hawaokoki kama sisi tulivyokuwa tunaokoka . Neno Wokovu ni pana na lina vitu vingi sana ndani yake. Hawa wakoma walikuwa na ukoma uliokuwa unakula viungo vyao au ngozi. Aliposema nendeni mkajionyeshe kwa makuhani wakatii. Walipokuwa wanaenda walitakasika maana yake ule ukoma ulipona. Viungo kama na ngozi vilivyokuwa vinalika vikaacha kulika.

Biblia inasema ni mmoja tu Msamaria  aliyerudi kumshukuru Mungu. Yesu aliuliza wamepona wangapi na wamerudi wangapi kushukuru. Yule Msamaria aliambiwa imani yako imekuokoa. Ina maana aliongezewa cha zaidi maana yake kama wengine walipona ukoma la

kini viungo vyao viliharibika, wanakuwa wamepona tu ila viungo vimebaki vile vile.

Lakini huyu Msamaria kama mikono yake vidole vilikuwa vimetoka kama wale wengine lakini kwa kurudi kwake kushukuru Mungu alimrudishia na vidole vyake. Wengine wanakuwa wamepona ukoma lakini vidole vyao havijarudi. Aliyeshukuru anaongezewa vidole.

4. UKIMSHUKURU MUNGU KWA HATUA ILIYOPITA ANAKUPA HEKIMA YA KUTUMIA KATIKA HATUA INAYOFUATA

Kutoka 18:8

8 Musa akamwambia mkwewe mambo hayo yote Bwana aliyomtenda Farao na Wamisri kwa ajili ya Israeli, na mambo mazito yote yaliyowapata njiani, na jinsi Bwana alivyowaokoa.

Baba mkwe wa Musa hakuwa Myahudi maana Musa hakuoa myahudi alioa mtu wa Midiam na baba mkwe wake alikuwa Kuhani wa dini ya Midian ambayo ni dini nyingine mbali na Mungu wa Musa.

Walipoenda kumpokea mzee Yethro wakati anamrudisha binti yake na wajukuu zake kwa Musa ( Biblia haijasema Musa aliwapeleka lini lakini walirudishwa kwake). Musa alimweleza mkwewe namna Mungu alichowafanyia na kuwaokoa na Farao na namna alivyowazuia wamisri kupita bahari ya Shamu.

Ukiendelea mbele Biblia inasema Mzee Yethro alifurahi sana na  ndani yake alijaa moyo wa shukrani, maandiko yanasema akatoa sadaka na chakula akakusanya viongozi wa dini yake wakaenda kuleta sadaka na chakula mbele ya Mungu wa Musa na wakamshukuru Mungu wa Musa kwa jinsi alivyomsaidia Musa na watu wake na wakala mbele za Bwana.

Na walipomaliza kesho yake Musa akasimama asubuhi… kwa sababu ni hatua nyingine ya maisha vita vimepungua sasa watu wanashida mbali mbali wanataka mwongozo wamesimama mahali kwenye hema ya Musa, mstari umekuwa mrefu sana wanasubiri zamu yao. Baba mkwe alipo amka asubuhi akamuuliza Musa unafanya nini na akamweleza Neno gumu sana ambalo watumishi wengi wasingependa kukisikia.

Kutoka 18:17

Mkwewe Musa akamwambia, Jambo hili ufanyalo si jema. Huna budi utadhoofika wewe, na hawa watu walio pamoja nawe pia; maana jambo hili ni zito mno kwako; huwezi wewe kulitenda peke yako.

Jambo hili si jema kuwapanga kwenye mstari asubuhi mpaka jioni ,lingine ni kukaa na kuwafanyia watu counseling kuanzia asubuhi mpaka jioni na akamwambia utadhoofika wewe!

Ndipo akampa hekima ya kwamba chagua watu ambao watabeba mambo madogo madogo halafu yale mambo makubwa yataletwa kwako na kwa sababu hiyo utapata nafasi na wenzako pia watapata nafasi na hata wale wanao hudumiwa watarudi nyumbani wakiwa na amani na furaha

Maana yake alimwambia agawe majukumu. Na maandiko yanasema huyu ndugu aligawa majukumu na foleni ikapungua

Sasa kama hujajifunza kumshukuru Mungu akakupa unyenyekevu na ukujua si wewe unayefanya mambo yatokee bali ni Bwana. Sasa kitakachokusumbua utasema nikiwaruhusu wengine si wataonekana kuliko mimi au itajulikana kumbe kuna wanaofahamu hapa kanisani kuliko mimi.

Kama pia ndani yako kulikuwa na moyo wa kupata sadaka na umeleta wasaidizi kama ishirini  uwe na uhakika sadaka zote hazitakuja kwako tena zitaenda kwa hao wengine na ukianza kufikiria juu ya sadaka utabadilisha utaratibu utasema watu wote kwangu. Hii ni kwa sababu moyo wako hauna hofu ya Mungu, hauna roho ya uchaji, hauna unyenyejevu, haujajua namna ya kupokeana huduma na wengine kujua ya kwamba katika mwili tunaviungo tofauti hakuna kiungo kimoja kinaweza kujiita mwili na viungo vinashikiriana pamoja katika kuujenga mwili na kwa sababu hiyo hakuna kiungo kinaweza kikajisifia, kitamsifia Mungu aliyemweka kwenye hiyo nafasi na kumuunganisha na mtu mwingine. Kwa huduma ya yule na wewe unafaidika, kuongezeka na unajulikana.

Waliosoma masomo ya management wanajua kitu kinachoitwa delegation-- mambo ya delegation hayakutoka kwenye darasa la management yalitoka kwenye Biblia ni ufunuo wakati wa kumshukuru Mungu.

Huyu ndugu ndiye aliyepewa ufunuo na hiyo hekima kwa sababu yeye ndiye aliyeenda kumshukuru Mungu, aliyekuwa anaingia hatua ya pili ni Musa sio Yethro lakini Musa alipomaliza hatua ile na kueleza mambo makubwa Mungu aliyoyafanya hakurudi kwa Mungu kushukuru. Na kwa sababu hakurudi kwa Mungu kushukuru hiyo hekima hakupewa yeye.

Lakini kwa kuwa shukrani inashuka na unyenyekevu utajua kabisa hii hekima si yako ni ya Mungu na utajua si ya kukusaidia peke yako lakini na Musa pia. Hata hivyo Yethro alimwambia unaweza kuchukua hiyo hekima au ukaacha lakini unachofanya si sawa.

Kumbuka unapovuka hatua moja mshukuru Mungu kwa sababu unapokuwa unamshukuru atakupa hekima ya kutembea kwenye hatua ya pili, kama Mungu amekusaidia umefika 2020 mshukuru Mungu kwa hatua ya 2019 uwe na uhakika atakupa hekima kwa ajili ya 2020.

Hiyo ndiyo inayowasukuma watu wengi wanapofiwa kwenda kumshukuru Mungu, hakuna mtu anayeshukuru kwa kufiwa Ila wanashukuru wakisema “Mungu asante kwa sababu umetusaidia katika kipindi hiki, umetutia nguvu umetuvusha salama”. Wanaposhukuru namna hiyo hekima ya Mungu unaingia katikati yao kwa ajili ya kuwasaidia katika hatua mpya ya maisha ambayo sasa hawana huyo mtu, gape iliyobaki hekima ya Mungu inakuja kwa ajili ya kukusaidia wakati ndani ukisema nitafanya nini kwa kuwa flani hayupo au nani atanisaidia.

Unapoenda mbele za Bwana kushukuru uwe na uhakika Roho Mtakatifu atashusha hekima kwa ajili ya kukusaidia kwa ajili ya hatua inayofuata

5. UNAPOMSHUKURU MUNGU KWA IMANI KWA AJILI YA USHINDI AMBAO HAUJADHIHIRIKA BADO ANAKUPA HUO USHINDI.

2 NYAKATI 20:1-22_

1. Ikawa baadaye, wana wa Moabu, na wana wa Amoni, na pamoja nao baadhi ya Wameuni, wakaja juu ya Yehoshafati vitani.

Kwa hiyo Yehoshafati mfalme wa Yuda alijikuta amezungukwa na majeshi na alipojipima kwa jinsi ya kibinadamu hakuwa na namna ambayo angeweza kupigana nao, akaitisha mbiu ya maombi na kufunga. Wakakusanyika watu kuomba na wakamlilia Mungu sana wakijua kabisa hapo wanahitaji msaada wa Mungu na kumbuka wakati wanamlilia Mungu majeshi yamewazunguka pande zote na katika kuomba kwao Mungu akasema nao ujumbe ukashuka katikati yao kwamba vita hii si vyenu Bwana atawapigania na kuwapa ushindi ( Soma hiyo habari yote).

Mungu alipo wajibu ndani yao walipata amani kiasi ambacho walienda kulala wakiwa wamezungukwa na majeshi pande zote.  Biblia inasema

2 Mambo ya Nyakati 20:20

20 *Wakaamka asubuhi na mapema*, wakaenda nje katika jangwa la Tekoa; nao walipokuwa wakitoka, Yehoshafati akasimama, akasema, Nisikieni, enyi Yuda nanyi wenyeji wa Yerusalemu; mwaminini Bwana, Mungu wenu, ndivyo mtakavyothibitika; waaminini manabii wake, ndivyo mtakavyofanikiwa.

Wakaamka asubuhi na mapema_ maana yake yale walilala kwanza ndipo wakaamka

Walipoamka jeshi lilikuwa limewazunguka maana walijua hamna namna ambavyo wanaweza wakashambuliwa na kushindwa. Waliweka imani yao mikononi mwa Mungu.

Ni  watu wachache sana wana imani za namna hiyo. Mtu kama Yona alikuwa na imani kama hii maana alikuwa na uhakika na Mungu  wake kuwa anamfuatilia maana  alipoona wenzake wanahangaika kuwa merikebu itazama  yeye alilala.  Ndio maana walimuuliza kuwa tuambie wewe ni wa Mungu yupi na mmekorofishana nini na Mungu wako.

Yona alikuwa na uhakika sana na kitu cha kufanya na alijua kabisa na kitu cha kufanya kuwa atupwe baharini na bahari itatulia. Basi walipoamua kumrusha baharini na alipofika kule vilindini akakutana na Samaki kaandaliwa kummeza.

Yesu alipokuwa ndani ya Boti na kulipotokea upepo baharini yeye alilala kwenye shetri kwa sababu alikuwa na amani na uhakika kuwa hatazama. Kuna kitu cha imani kinaa ndani ya mtu maana unapo omba juu ya jambo fulani Mungu anakupa uhakika ya kwamba amejibu japo kwa nje huoni lakini ndani yako unapata amani ipitayo fahamu zote inakupa usingizi  wakati mazingira ya nje yanapiga kelele.

Turudi sasa kwenye hii habari ya Mambo ya Nyakati tunaona hawa watu waliweza kulala na walipoamka asubuhi mfalme hak

upanga watu wa kupigana bali aliwapanga waimbaji ili watangulie  kushukuru kwa Mungu kwa ajili ya ushindi na walikuwa na maneno ya pambio.

Waliimba mshukuru “Bwana kwa maana fadhili zake ni za milele”. Waliimba kwa kurudia na kurudia.

Sasa  Katika mstari wa 22 biblia inasema katika

2 Mambo ya Nyakati 20:22

22 Nao walipoanza kuimba na kusifu, Bwana akaweka waviziao juu ya wana wa Amoni, na Moabu, na wa mlima Seiri, waliokuja juu ya Yuda; nao wakapigwa.

Bwana alisubiri mioyo yao na vinywa vyao vikutane na Bwana wakati wanashukuru ndipo Bwana aliachilia ushindi kwao. maana walikuwa wanashukuru kwa ushindi ambao haujadhihirika bado na Bwana akawapa huo ushindi.

Inawezekana kuna vitu ambavyo mwaka jana ulikuwa  unaomba na havijatokea lakini moyoni mwako una amani na utulivu maana yake hiyo ni dalili kuwa Mungu amekujibu kwa hiyo fungua kinywa chako na anza kumsukuru Mungu kwa ushindi huo na atakupa huo ushindi. Usisubiri hadi uone kwa nje bali kwa kuwa imani yako imeona basi anza kumshukuru Mungu maana imani ni bayana ya mambo yasiyo onekana. Imani inaweza kukupa kuona kitu ambacho macho hayawezi kuona.

FAIDA YA SITA

6. UKIAMUA KUSHUKURU WAKATI UNASHINDWA KUOMBA MUNGU ANAKUFUNGULIA MLANGO WA KUSIFU NA KUOMBA.

Zaburi 100:1-5

1 Mfanyieni Bwana shangwe, dunia yote; 2 Mtumikieni Bwana kwa furaha; Njoni mbele zake kwa kuimba; 3 Jueni kwamba Bwana ndiye Mungu; Ndiye aliyetuumba na sisi tu watu wake; Tu watu wake, na kondoo wa malisho yake.4 Ingieni malangoni mwake kwa kushukuru; Nyuani mwake kwa kusifu; Mshukuruni, lihimidini jina lake; 5 Kwa kuwa Bwana ndiye mwema; Rehema zake ni za milele; Na uaminifu wake vizazi na vizazi.

Hapa nataka utazame sana mstari “.4 Ingieni malangoni mwake kwa kushukuru; Nyuani mwake kwa kusifu; Mshukuruni, lihimidini jina lake”  ndani yako kama unasikia kuomba na huwezi kuomba.

Sio kwamba huwezi kuomba ila ni hujisikii kuomba. Maana unaweza kufunga kula na usiombe maana si kila aina ya kufunga kunakurudishia maombi kifuani. Biblia inasema nikajitesa nafsi yangu kwa kufunga nafsi maombi yangu yakarejea kifuani. Sio kufunga katika mwili bali ni katika nafsi maana yake kuizuia nafsi katika vitu inavyoona. Maana yake Mungu anakubana kukurejeshea maombi ndani yako.

Ukifunga kwa mwili ukaacha kula chapati mchana au maharage na ugali jioni utajikuta  hujaweza kuomba. Kuna watu wengi sana wanafunga kula na hawaombi.Ikifika jioni unaanza kujilaumu kuwa ulifunga nini sasa na haujaomba kwa hiyo umejitesa bure hapa na umeshinda njaa na hujaweza omba.

Pia unahitaji kufahamu kuwa Mungu anaweza kukuletea Zaburi ya 100:1-5,ina maana kuna kitu kingine anakupa. Ingieni malangoni mwaka kwa kushukuru maana yake kuna mlango katika ulimwengu wa roho ambao umefungwa na unatakiwa upite hapo.

Ndio maana kuna wakati ukiingia kuomba unaona Mungu kama hakusikii ni kwa sababu mlango umefungwa. Lakini utakapoanza kushukuru milango inafunguka kwa sababu biblia inasema ingieni malangoni mwake kwa kushukuru maana kushukuru kunafungua mlango wa kupita.

Jifunze kushukuru kwa kila jambo, shukuru kuwa tu umepata nafasi ya kumfikiria Mungu, Shukuru kwa kile Mungu kakupa saa hiyo, shukuru pia kwa kupita kwenye matatizo. Kama unapita kwenye matatizo na Mungu anataka kukufungulia mlango basi atakupa kushukuru. Ukianza kushukuru hakutakuja kuomba bali kutakuja kumsifu Mungu ndani yako.

Unapoenda kanisani au kwenye semina kama hii. Ukikaa anza kumshukuru Mungu kwa kukupa nafasi ya kuja ibada. Sasa ukianza kumshukuru Mungu namna hiyo haijalishi umetoka nyumbani uko namna gani au umekasirika huko moyoni, haijalishi uhusiano wako na Mungu ni mgumu kiasi gani lakini ukifika kanisani na ukaanza kushukuru malango yanafunguka. Ghafla  ndani yako utatoka wimbo wa kuanza kumsifu Mungu unabaki kushangaa imetokeaje hiyo hali. Kumbe katika ulimwengu wa roho uko wimbo na hapo waimbaji wa kanisani wameanzisha wimbo huo huo, na wewe utashangaa kumbe uko katika ulimwengu wa roho na unadaka wimbo ule ule wanaoimba waimbaji. Ikiwa namna hiyo sasa inakuwa rahisi sana kwako kuomba lakini kilichokufungulia mlango ni kushukuru.

7. KUSHUKURU KWAKO KUNAMFANYA MUNGU AJULIKANE HASA UNAPOMSHUKURU MBELE ZA WATU.

Zaburi 50:23a

Atoaye dhabihu za kushukuru, Ndiye anayenitukuza

Kutukuza maana yake ni kumfanya Mungu ajulikane,kutukuza maana yake ni kujulisha. Unapotoa ushuhuda wako na shukrani zako mbele za watu kuwa Mungu kakufanyia jambo fulani, unamfanya Mungu ajulikane katika hilo eneo, juu ya uweza wake na nguvu alizonazo au katika hilo eneo ambalo umepata nafasi ya kumshukuru Mungu mbele za watu.